BEDRYFSBESTUURDER - VERPAKKING (APPELS & PERE), Langkloof

Hoofposfunksies

1. Bestuur van verpakkingsaanleg

   • Bestuur van die totale verpakkingsaanleg met ongeveer 340 seisoenale en 20 permanente werkers.

2. Beplanning, organisering en beheer oor:

   • Sortering van vrugte.

   • Verpakking van vrugte vir beide plaaslike en uitvoermark.

   • Kartonstoor, insluitend die opmaak van kartonne vir verpakking, aankoop en voorraadbestuur van pakmateriaal.

   • Paletisering van gepakte vrugte.

   • Kwaliteitskontrole oor gepakte vrugte, insluitend koördinering met PPECB, uitvoeragente en plaaslike bemarkers.

   • Inname en uitlaai van gepakte vrugte na Lanko Koelkamers.

   • Uitlaai van vrugte wat hervul is in kratte en lewering aan koelkamers en/of Granor Passi.

3. Personeel

   • Opstel van jaarlikse personeelplan en bepaling van opleidingsbehoeftes.

   • Verlofbeplanning.

   • Koördinering met die Menslike Hulpbronne-departement m.b.t. werwing, opleiding, bevordering, dissiplinêre aksies, aanmeld van BAD's ens.

   • Toepassing van meriete- en dissiplinêre stelsel.

4. Toerusting, geboue en terrein

   • Koördinering met instandhoudingsbestuurder m.b.t.:

     • Uitvoering van roetine- en noodinstandhouding.

     • Beplanning van instandhoudingsprojekte.

     • Toesien dat toerusting in goeie werkende toestand is.

     • Roetine-inspeksies en beplanning van instandhouding saam met instandhoudingsbestuurder.

   • Toesien dat instandhoudingsregister bygehou word.

   • Algemene huishouding, insluitend opstel en uitvoering van skoonmaakroetines.

5. Koördinering met werkswinkel

   • Verseker dat voertuie en vurkhysers altyd in goeie werkende en padwaardige toestand is.

6. Begrotings en kontrole

   • Opstel van jaarlikse kapitaal- en bedryfsbegroting vir pakhuis, veral t.o.v. instandhouding.

   • Uitoefening van begrotingskontrole op ‘n deurlopende basis.

7. Higiëne en standaarde

   • Toepassing van algemene pakhuishigiëne-standaarde soos voorgeskryf deur HACCP/BRC.

   • Byhou van dokumentasie soos voorgeskryf deur interne HACCP, GMP & BRC-standaarde en die toepassing van sodanige standaarde.

8. Beheer oor kratte

   • Beheer oor instandhouding van kratte, asook opberging en uitreiking daarvan.

9. Veiligheid en gesondheid

   • Toesien dat die pakhuis voldoen aan vereistes m.b.t. beroepsveiligheid en gesondheid.